استشارة

استشارة سميرة
06/08/12 09:34

السلام عليكم , عندي استفسار عن حالتي وشو اللي ممكن يساعدني؟ انا متزوجة وعندي طفلين مشكلتي تكمن من شقين الجزء الأول: اتعامل مع اطفالي بعصبية مهما احاول اني اكون هادئة بس ما في فائدة _ لا استطيع احتمال صوت البكاء والزن_ اتنرفز منه بسرعة كبيرة .. ودائما بعد ما اعصب اندم واوقول لازم اطول بالي ومع ذلك ما في تغير.. وكتير بجيني شعور انه بسبب اولادي انحرمت اشياء يعني صرت مرتبطة فين ما بحسن امارس نشاطاتي او طلعاتي وهالشي كتير بدايقني واحيانا هالشعور اذا ما سيطرت عليه بحس حالي اني بوصل لدرجة اني بكره اولادي ( وهالشي مو طبيعي) والجزء التاني: انه انا ما بشعر ابدا بالرضي عن النفس ودائما يائسة وتعبانه ومالي نفس اسوي شي وزوجي شغله طويل وبغيب كتير عن البيت ولما يجي بكون انا فرفطت روحي ما ادره اشوف ولا اسمع ولا اسوي شي وهو اخر فترة قالي بصراحة انه انا مقصرة بواجباتي الزوجية مع اني حريصة انه اهتم بحالي وبالاولاد وبالبيت بس حاسة حاله مستهلكة وماحدا عاجبوا اللي بسويه وزوجي بحب يتفرج عالتلفزيون كتير وانا مابحب التلفزيون ونحنا لما نشوف بعض يادوب نحكي مع بعض كم كلمة ومنتخانق وخلص ، هو دائما بقول انه انا معصبة ومنرفزة وعماتفشش بالاولاد وهادا الشي منعكس ع حياتي كلها ؟؟ انا كتييير تعبت وما بعرف شو اسوي وشو الحل... نسيت اذكر انه انا امراة عاملة والحمدلله شغلي كويس بس لما اشكي لزوجي اني تعبانة بقلي استقيلي واقعدي بالبيت وارتاحي بس انا صايرة بحس براحة بالشغل اكتر من لما اضل بالبيت مستوى التوتر والعصبية بالبيت كتير تاعبني ,,, ولكم جزيل الشكر

اضف تعليق
استشارة د. عوني ابو حليمة اخصائي الطب النفسي
06/08/12

من خلال رسالتك أنك عصبية المزاج و مندفعة في تصرفاتك و من الممكن أن تكون ذلك جزء من شخصية من الأساس و هذه العصبية أدت بك الى الاحباط و انعكس ذلك على حبك  لأطفالك احيانا و لعملك داخل البيت مما دفع زوجك لانتقادك بالتقصير في هذا المجال و لا  أنسى أنك امرأة عاملة تعانين في عملك و عندما تعودين الى البيت أن تنسي الهموم و المتاعب و أن تجعلي من بيتك جنة لأطفالك و زوجك لذا أفضل أن تزوري معالج نفسي أسري من أجل مساعدتك بذلك 

اضف تعليق
الوسواس القهري: أعراضه وطرق علاجه؟

الوسواس القهري OCD اضطراب نفسي يتميز بأفكار وسواسية..

الإبلاغ عن التحرش الجنسي

هكذا تستطيع دعم وتشجيع من تعرضوا للتحرش الجنسي للحديث.

مساج الشياتسو:

التكامل بين العضوي والنفسي

اسلوب الكساندر:

إرشادات للإصلاح الذاتي

العلاج بالصدمة الكهربائية

فيديو لعلاج بالصدمة الكهربائية - شاهد رحلة امرأة مع..

رمضان والحالة النفسية

إليك بعض اللمحات عن فائدة صوم رمضان وأجوائه في الصحة..