مش عارفة

مش عارفة tota
26/09/12 09:32

انا والدى اتوفى من شهرين ونص وانا عندى 20 سنة واعانى من حاله من تانيب الضمير والندم مع انى مقصرتش معاه بس دايما كل المواقف اللى حصلت معاه بشوفها بشكل تانى غير اللى حصلت عليه فبانب نفسي دايما غير كدة انا مش طبيعيه خالص من يوم م بابا مات عندى قلق وتوتر وخوف ودايما اما بشوف اى راجل بتخيله هو بمجرد النظرة الاولى وبعدين ارجع ابص وانا فرحانه مش بلاقيه هو فبحس بوجع جامد في قلبى وحوالين قلبى ودة بيحصلى لما الباب بيخبط او التليفون بيرن بتخيل ان هو وافرح وارجع اتصدم بسمع صوته كتير وهو بينادى عليا بس بقوم وبفتكر انه مات انا مش اجتماعيه والموضوع دة خلانى بخاف من الزحمة والناس قوى ومش بقيت بتحمل الصوت العالى ولا امش فى مكان زحمة ببقي حاسه انى دايخة وببقى مش عارفة امشي وبسرح وابقي مش حاسه بنفسي وانا عايشة مع ماما لوحدنا واخواتى مجوزين وحاسه بالوحدة بس فى نفس الوقت مش عارفة اقرب من الناس والجامعة بدات انا ف سنة 4 وخايفة انزل الكليه واتعاامل مع الناس والدوشة والزحمة ومعظم الوقت بحس ان دماغى واقفة ومش بفكر فى حاجة ولا ببقي حاسه بنفسي وبخاف انام بليل بفضل صاحيه لحد النهار ميطلع وانام وانا مخطوبه ومش عارفة اتعامل مع خطيبى خالص وببعد عنه اوى من ساعه م بابا مات

اضف تعليق
رد د. عوني ابو حليمة اخصائي الطب النفسي
26/09/12

ما يحصل معك يا اختي هو الحداد وهذا يحصل عندما يفقد الانسان شخص عزيز عليه كالوالد رحمه الله ويحصل كل الاعراض اللتي ذكرتيها وهي انشاء الله ستزول حيث ان الوفاة قد حصلت قبل شهرين وذا زادت المدة عن ستة شهور والاعراض موجوده وهنا يتحول الحداد الى حداد مرضي يحتاج الى العلاج والمداخله

اضف تعليق
تعليق على الرد tota
27/09/12 02:00

اولا شكرا جداااااااااااا على الرد واسفة على الازعاج طب يا دكتور مفيش اى حل مؤقت انا تعبانة جدا وهخسر ناس كتير اوى فى المرحلة دى لان على طول متوترة ومتنرفزة ومحدش حاسس بيا حتى اقرب الناس ليا مش حاسين بيا وبيعملونى على انى مكبرة الموضوع وان انا عايزة افضل كدة ومرتاحة بكدة وانا بسببب الكلام دة كاتمة فى نفسي طول الوقت ومحسسة كل اللى حواليا ان انا بقيت عادى ودة مخلينى تعبانه اوى وحاسة ان نفسي مكتوم وفى حمل على قلبي وبمجرد مببقي لوحدى بخرج الشحنة اللى جوايا فى العياط وببقي نفسي اتحرك واوقات كتير مش بقدر وانا ف الحاله دى بجد تعبت وبدات اكرة ناس كتير لان حسيت انهم موقفوش جنبى ومحسوش بيا وبقيت مش بحكى خالص قدام حد انا حاسه بايه ولاتعبانه ولا اى حاجة مع انى تعبانه جسمانيا مش نفسيا بس وفكرت اخد اى نوع من انواع المضادات للاكتئاب او المهداءات بس كل ما اخد الخطوة برجع اخاف انا اسفة على الاطاله

اضف تعليق
حسرة الحداد د. عوني ابو حليمة اخصائي الطب النفسي
27/09/12

يبدو ان الاعراض التى تمرين بها شديده وكما قلت ان فترة حسرة الحدادالطبيعيه من حزن وبكاء واحساس بوجود المتوفى ومحاولة استرجاع الذكريات ولوم النفس واحيانا سماع صوت المتوفى والتوجه بالعدائيه والكراهيه والغضب نحو الاخرين كل ذلك يبدأ بالتلاشى التدريجى بحيث لا يزيد عن ستة اشهر ولذلك يجب مساعدتك وتشجيعك على الافصاح عما تعانيه ومدى الخساره التى اصبتك وذلك بالتحدث مع الاقارب والاصدقاء وهذا فى حد ذاته يخفف كثيرا ثقل الحسره حتى تزول وتصبح ذكرى خاليه من الشحنه العاطفيه ويمكن صرف بعض المهدئات الخفيفه او مضادات الاكتئاب فى بعض الحالات  وسلامتك

اضف تعليق
الوسواس القهري: أعراضه وطرق علاجه؟

الوسواس القهري OCD اضطراب نفسي يتميز بأفكار وسواسية..

الإبلاغ عن التحرش الجنسي

هكذا تستطيع دعم وتشجيع من تعرضوا للتحرش الجنسي للحديث.

مساج الشياتسو:

التكامل بين العضوي والنفسي

اسلوب الكساندر:

إرشادات للإصلاح الذاتي

العلاج بالصدمة الكهربائية

فيديو لعلاج بالصدمة الكهربائية - شاهد رحلة امرأة مع..

رمضان والحالة النفسية

إليك بعض اللمحات عن فائدة صوم رمضان وأجوائه في الصحة..