خلافات زوجيه

خلافات زوجيه هانم عبد العزيز
27/10/12 22:42

انا زوجة بقالى 17سنة من عيلة جميلة اب كان مثالى وام شديدة بس بحب اتزوجة من زوجى جواز الصلونات انا طبعى عاطفى جدا احب الناس واحب ان اقدم خدمات لكل البشر بس ببقى نفسى فى كلمة حب او شكر فقد ولكن ربى اختبرنى فى زوج بخيل جدا كل همة فى الحياة المشاريع والعائد وهكذا عرفت ذللك من الاول وحاولت اتجنب المشاكل واشيل نفسى تم اولادى لانى مابحبش النكد وحاولت احبة لانة كان لوحدة عايش فى القاهرة بدون اهلة ولما قربت منهم فوجئت ان العيلة كلها مفككة كلة بتاع مصلحتة والام من الصعيد زرعت فيهم ان كل النساء لو اخدو شىء حلو من الراجل سوف تركب فوقة ولازم الست مايكونش معاها اى فلوس عشان تفضل تحت رجلة على طول على الرغم من انى بشتغل واللة شقيانة اوى ورغم ذللك حاولت اعلجوا نفسيا ونسيت رحتى مقابل راحتة عشان بنتى التى رزقت بها بعد 9اشهر حاولت الطلاق ولكن كلعادة الناس والبنت وبكرة يبقى كويس وغيرة واستمرة الحياة وانا بدعوا اللة العزيز يهدية ولكن كل مايكبر يسوق حياتى كلها هجر وخصام وكل مرة يزلنى اكثر من 3مرات توسل وقرب عشان الحياة تعدى وعلى فكرة بشهادة الناس انا مش وحشة وست بيت ومهتمة بنفسى جدا برة وجوة ولكن على طول بيحسسنى انى حشرة وانا وصلت لحالت الوقوف امام المراءة والبس واقول لنفسى انى مش وحشة ربنا اكرمنى بشكل مقبول واحمدةو لكن مش قدرة خلاص اعمل زى زمان واروح اتوسل ويزقنى زى الحشرة اناكهت نفسى وخيفة ومش عارفة اعمل اية عندى بنت فى الثانوية وماشاء اللة شترة وعانت كتير منة وانا ولى واين اسيبة ولا استمر لوسبتة مش حيسبنى اعيش فى الشقة اربى ولادى مع الرغم انى دفعت فيها اكثر من 80/منثمنها واصر يكتبها باسمة لوحدة انااحترت وحسة انى عيزة اتخلص من حياتى من كثرة افتراة عليا واللة عملت معاة كل المحولات عشان اعيش فى هدوء بس ولكن مفيش فائدة مش عارفة هو عايز اية ولا حتى الناس الكتير الى جلسو معاة عارفين هو عايز اية ارجوك استحلفك باللة ترد عليا انا تعبانة اوىىىىىىىى

اضف تعليق
رد د. عوني ابو حليمة اخصائي الطب النفسي
28/10/12

يا اخت هانم احيكي على تلك التصرفات التي توحي بالاتزان و المحافظة على البيت و زوجها و تحاول الاستمرار في الحياة الزوجية و لا استطيع ان اطلب منك المزيد فأنت قمت بكل شئ جيد و مطلوب و ما لك الا الصبر لانه مفتاح الفرج و ادعي له بالهداية و لا بد ان يأتي اليوم الذي يتحقق فيه امانيك و الله يوفقك

اضف تعليق
مشاكل زوجية هانم
01/11/12 00:50

انا شكرة للك جدا على الرد ولكن لى سؤال هل يفضل ان اذهب لطبيب نفسى لانى تعبانة ولا بلاش لان هذا حصل مع زوجة اخوة ولما عرفو ازاعو للناس انها مجنونة عشان يبيح لنفسة الزواج من اخرى وفعلا تزوج مرة اخرى على الرغم من انة طبيب وعندة 4 اولاد جمال جدا فى كل شئ انا خايفة جدا وعلى طول ببكى مع نفسى حتى وانا ماشية فى الشارع او فى شغلى بدون ما امسك نفسى واصبحت اخجل من نفسى جدا ولكن بحاول عشان اولادى ان اتعايش مع الظروف على اد ما اقدر اسئلك الدعاء والنصيحة جزاك اللة كل خير

اضف تعليق
رد د. عوني ابو حليمة اخصائي الطب النفسي
01/11/12

يا اخت هانم اي انسان يعيش نفس الظروف يكون لديه نوع من الاكتئاب التفاعلي نتيجة الظروف المحيطه وهذا يسبب  الحزن والكآبه وتعكر المزاج

وكل ما اخشاه ان يقوم زوجك واهله باستغلال هذه النقطه والادعاء بانك مريضه نفسيا

والكآبه ستظل ما دام السبب موجود ولذالك ادعوكي مرة اخرى للصبر حتى تحافظي على بيتك واولادك وبشر الصابرين انشاءلله 

اضف تعليق
الوسواس القهري: أعراضه وطرق علاجه؟

الوسواس القهري OCD اضطراب نفسي يتميز بأفكار وسواسية..

الإبلاغ عن التحرش الجنسي

هكذا تستطيع دعم وتشجيع من تعرضوا للتحرش الجنسي للحديث.

مساج الشياتسو:

التكامل بين العضوي والنفسي

اسلوب الكساندر:

إرشادات للإصلاح الذاتي

العلاج بالصدمة الكهربائية

فيديو لعلاج بالصدمة الكهربائية - شاهد رحلة امرأة مع..

رمضان والحالة النفسية

إليك بعض اللمحات عن فائدة صوم رمضان وأجوائه في الصحة..