السلام عليكم

السلام عليكم نها
06/12/12 23:00

دكتور لو سمحت انا فتاه مشكلتى بدأت ان انا كنت متدينه شويه عن بقيت البيت وبابا كمان كدا بس انا بحب ماما وعشان اتواصل معاها كنت بقعد اسمع معاها اغانى وكدا وبعدين عشان محسش بالذنب كنت مخصصه عقلى يسمع القران وما وقلبى للاغانى عشان ابقى عاطفيه وكدا المشكله بدات ان انا كنت اشطر زميلاتى فكانو ما بيحبوش يمشو معايا فكنت بغيب عقلى واحاول اتغابى عشان يرضو نمشى سوا وبعدين رحت الكليهاو انا من كتر الزعل كان دماغى بيتاثر ومحاولش افهم العلاقات اللى حواليا وخاصه العلاقات الاجتماعيه ما كنتش بحاول اميها ولما رحت الكليه بردو كنت كمستوى اجتماعى الى حد ما احسن صحباتى بس كنت بزعل اوى لما بحاول اكلم حد احسن منى ف المستوى شويه وكنت فكره انهم لما يلاقونى مضايقه هيصالحونى فمن زمان وانا ما بحسش بطعم الفرح بجد عشان خاطر كل حاجه بعملها ما بلقيش حد من اصحابى يشجعنى عليها فكان كل املى الوحيد انى هقابل الشخص اللى يحبنى واهرب معاه من كل دى فكنت بسرح كتير وعرفت ان اصحابى مهما اعمل مش هنوصل لدرجه الصفا الكامله دخلت الكليه وهى كليه طب اسنان بس تقريبا كنت مدمره عاوزه احب واتحب وانا طول سنين المدرسه ما كنتش بعرف ارتبط بعلاقه بولد عشان بابا حد معروف واخواتى ولاد فلما رحت الكليه حبيت واحد زميلى وكنت زى القمر احلويت جامد حسيت كانى عايشه بس ف السنه دى اتشغلت جامد وكنت حسه ككانه ادمان دايما انقى حزينه لحد ما اشوفه جيت ف تالته وقررت انسى الموضوع كنت كويسه اوى .ف رابعه بأى حسيت ان كل اصحابى اتخطبو وانا اللى لسه فحبيت معيد عندنا وهو لمحلى بس ماتقبلتش الموضوع بعد كدا بس كنت دايما بسرح فيه وان هو اللى هيقدر يعيشنى كل حاجه ف الدنيا بس ما كنتش موصلاله الاحساس دى دايما كنت بديه انطباع انى مش موافقه .وما قدرتش اضغط على نفسى ف المذاكره واهملت لانى كنت شيفه عيوبه قبل مميزاته فلما خلصنا امتحانات والنتيجه ظهرت جبت جيد فعرفت انه مستحيل هييجى يخطبنى فرحنا عشا اجيب ورقى من الكليه شفته هناك وعدى عليا كنت مستنيه بس يكلمنى فما كلمنيش وكان فيه عمال كدا قاعدين قصادى فقالهم الساعه كام وانا مبصتلوش وكنت مستنياه وبعدين مشى من ساعتها بأى وانا حسه كان مخى وقف وقلبى روحت البيت كان عمله زى سلك الكهربا كدا حسيت ان كل انوثتى ضاعت منى .لحد ما جالى اكتئاب ورحت عند دكتور كتبلى دوجماتيل ومودابكس وابيكسدون المشكله ان العلاج تعبنى وانا مزاجيه يعنى اللى دماغى يقولى اعمله بعمله .دت العلاج اسبوعين وبطلت الدكتور قالى مخك سليم لو عاوزه تبطلى العلاج بطليه بس المشكله انى من كتر ما كنت ارتبطت بيه شلت نفسى من الناس كانى مش عاوزه اعيش معاهم لحد ما اروح تانى الكليه الامتياز واقابله .انا بطلت اللاج بس لسه دماغى مش عارفه ترجعلى .انا ماما على فكره كانت بتروح لدكتور نفسى وعندها اكتئاب من زمان لحد دلوقتى والمشكله كمان انى بركز معاها جامد .انا دلوقتى مش حسه بدماغى خالص وبسرح كتير لدرجه انه باين عليا كانى مجنونه او سرحانه او مش هنا او مش سمعه الناس بتفكرنى كدا وكمان حاجه انا عشان من زمان بسرح كتير وكدا كانت ديما ماما او بابا يكلمونى فمتعوده ان حد يكلمنى وبعدين انا بخاف اوى وكنت بخاف انى اكون زى ماما فما كنتش بتكلم معاها كتير وديما قلقانه وانا ف البيت .ارادتى حسه انها انتزعت منى دلوقتى ما بقتش عارفه انا ما بئتش بخاف من حاجه. ما بئتش عارفه افصل ما بين الصوت العالى والواطى بسمع كله حتى سرينه العربيات ما بئتش بتقلقنى .انا ديما بسافر فكنت لما بسرح العربيات بتفوقنى دلوقتى ما عدش فيه حاجه بتفوقنى ودماغى وجسمى كل يوم بالليل بيسخنو وكل ما اكون متوتره احس برعشه ف جسمى .ارجوك قولى انا وصلت لفين دلوقتى .انا الاول ما كنتش بركز ف كل الكلام اللى حد يتكلم بيه قدامى خايفه اتعب دماغى وانا صغيره عشان لما اجوز ويكون عندى عيال ما يكونش عليا ضغط كبير اقوم اتعب زى ماما فكنت ركنه دماغى على جمب لحد ما بدأت الامتياز بس هو بدا مع شويه الاكتئاب فكنت عاوزه تركيز جامد وانا اساسا ما بعرفش اتكلم باسترسال عشان زى ما قوله لحضرتك انا كنت عمله لماما زى الطبيب النفسى بتكلم دايم بحكمه انا الناس كلها كانت بتحسدنى على عقلى وكنت وصلت للنضوج فعلا كانثى وكتامل بس ما كنتش بقدر اركز ف حاجه حد بيكهالى بس مع الشغل غصب عنى بئيت بركز بس حسه ان ارادتى بدات تتسحب منى ودماغى بأى بيسخن مش عارفه اخد العلاج تانى ولا اعمل ايه

اضف تعليق
رد د. عوني ابو حليمة اخصائي الطب النفسي
07/12/12

يا اختي قراءت رسالتك المطولة وتبين لدي انك تعاني من الكآبة والتي تلعب الوراثة دور كبير بها حيث ان الوالدة تعاني من نفس المرض منذ زمن طويل والاكتئاب يجعل الانسان تقته بنفسه ضعيفه كما احب ان اعلق على قولك بأن كل زميلاتك قد خطبن فالزواج هذا قسمة ونصيب وليس للانسان دور في ذلك وانصحك بأخذ دواء للاكتئاب مثل سبرام 20 ملغم حبة باليوم مصحوبة بعلاج سلوكي واعادة بناء الثقة بالنفس وشكرا

اضف تعليق
الوسواس القهري: أعراضه وطرق علاجه؟

الوسواس القهري OCD اضطراب نفسي يتميز بأفكار وسواسية..

الإبلاغ عن التحرش الجنسي

هكذا تستطيع دعم وتشجيع من تعرضوا للتحرش الجنسي للحديث.

مساج الشياتسو:

التكامل بين العضوي والنفسي

اسلوب الكساندر:

إرشادات للإصلاح الذاتي

العلاج بالصدمة الكهربائية

فيديو لعلاج بالصدمة الكهربائية - شاهد رحلة امرأة مع..

رمضان والحالة النفسية

إليك بعض اللمحات عن فائدة صوم رمضان وأجوائه في الصحة..