ردا على سيادتكم بخصوص حالة حموضة الدم

اشكرك يا دكتور على الاهتمام وتوضيحا لحالة ابنى هو لما اتولد كان رافض الرضاعة تماما وروحنا لدكاترة كتير كانوا يقولوا عندة برد لحد ما دكتور فحصة كويس جدا وقاللنا انة لازم يدخل حضانة لان عندة تلوث فى الدم وهناك بداوا ينزلوا فى نسبة الامونيا لحد ما وصلت للنسبة الطبيعية ودا طبعا مععمل تحاليل كل يوم وكل شوية وقالولنا انة غالبا مش هيعيش وحتى لو عاش هيبقالوا تركيبة لبن معينة من الخارج ولحد ما يتاكدوا كانوا بيدولوا لبن صناعى عادى وطبعا وقفوا الرضاعة الطبيعية.وبعد اجراء تحليل OA+TMSقاللنا الدكتور ان الحمد للة كل حاجة طبيعية مش زى ما كانوا متخيلين وانة عندة حموضة فى الدم بس اخف انواع الحموضة واتشخصت حالتة على انها congenital metabolic acidosis ومشى على تركيبة اسمها باى سترا وكوانزيم كبسولات وفضلت الجرعة تتخفف لحد ما وصلت 1سم باى سترا كل يوم وكبسولة يوم ويومين وبيعمل تحليل ABGكل فترة واخر نتيجة كانت ph7.415 وهو حاليا عندة سنتين وكويس جدا الحمد للة وطبيعى فى كل حاجة بس عايزة اعرف هيفضل ياخد العلاج لحد امتى والحموضة هتستمر معاة على طول ولا اية؟ ارجو الرد واسفة للاطالة

اضف تعليق
ردا على سيادتكم / om yassin د. عاطف تركي طبيب اطفال
17/11/12

سيتي : نحن نتعامل هنا مع حالة نادرة جدا ووصولك مع الاطباء الى السنتين وبوضع جيد كما تقولين يدل على مدى الاهتمام والمعرفة التي قدمها لك الفريق المختص ونظرا لتجاوز هذا السن الذي يتم به نمو الدماغ بدون مشاكل فانني اتوقع الخلاص لطفلك او بالاحرى الاعتياد على بعض المشاكل البسيطة وبالتالي الادوية . 

اضف تعليق
شكرا على الاهتمام om yassin
17/11/12 21:21

اشكرك يادكتور على الاهتمام ولكن ممكن توضحلى اكتر ماذا تقصد حضرتك بالاعتياد على المشاكل البسيطة ؟يعنى اية هى المشاكل اللى ممكن يتعرضلها؟ وهل حضرتك تقصد انة هيفضل ياخد الدوا دة طول عمرة ولا ممكن ييجى علية وقت وحالتة تتظبط.انا زى ما قلت لحضرتك هو كويس جدا فى كل حاجة الحمد للة ذكى جدا وبيتعلم كل حاجة بسرعة ومعندوش اى مشكلة فى النمو ولا بيحصللوا اى مضاعفات او اى حاجة خاصة بالحالة دى.انا بس كل مشكلتى انى عايزة اعرف هيفضل يعمل التحاليل دى وياخد العلاج لحد امتى ؟ وعيزة اعرف راى حضرتك فى تخصص الكتور اللى اتابع معاة يعنى انا حاليا بتابع مع دكتور اطفال عادى خالص فحضرتك شايف انة هيفيدنى ودة ضمن تخصصة ولا محتاجين تخصص اخر اكثر دقة واية هو التخصص دة؟احنا كنا متابعين مع دكتور وراثة وهو اللى تابع حالتة من الاول وحددلة الباى سترا والكوانزيم وكان بيخففلنا الجرعة كل شوية ولكن مع احترامى الكامل لية وتقديرى ما كانش بيفيدنا فى اى حاجة تانية وكان كل الادوية اللى بيكتبها قديمة جدا جدا ودة اللى كان بيقولهولنا اى صيدلى نروحلة فروحنا للدكتور اللى كان اكتشف ان عندة تلوث فى الدم فى الاول خالص وكل حاجة ماشية كويسة الحمد للة بس ماشيين على نفس الجرعة من حوالى سنة فحضرتك شايف انة هيقدر يفيدنا ولا محتاجين تخصص اية بالظبط؟اسفة لو كنت بزعج حضرتك وارجو حضرتك تستحملنى لانى بجد مشوشة جدا ومش لاقية حد يفيدنى

اضف تعليق
شكرا على الاهتمام / om yassin د. عاطف تركي طبيب اطفال
18/11/12

congenital metabolic acidosis

الحموضة الخلقية الايضية هذه التي اعطيت لكم كتشخيص لحالة ابنك ليست مرضا واحدا وانما  تشخيص عام لمجموعة امراض خلقية ، الاطباء في البداية بذلوا جهدا محمودا لانقاذ حياتة ومن ثم دماغة وقد تكلل هذا بالنجاح  يستحق شكرهم وحمد الله الذي وفقكم جميعا للوصول لهذة المرحلة.

 اعتقد بان التشخيص النهائي لم يكن ميسورا لهم  لقصور المختبرات في الوصول الى تشخيص الامراض النادرة هذه والتي تحتاج الى  اجهزة مكلفة وخبراء ولا مردود لها لندرتها .

في مصر يوجد مستشفيات جامعية واطباء اطفال يمكنهم افادتك  اكثر من راي عبر التواصل البريدي واتمنى لك التوفيق

اضف تعليق
عوارض الاكتئاب

هنالك العديد من الأمراض تضاهي الاكتئاب من حيث الاعراض.

التلفاز ليس حاضنة

يستعمله العديد من الاباء لإشغال الأطفال, وذلك لأخذ قسط..

اعتني بمولودك الجديد

في السنوات الأخيرة تخطى هذا المجال حدود المنزل..

الرضاعة الطبيعية

ماذا يأكل الطفل عندما تأكل الأم

مستحضرات للأطفال

اقرؤوا لائحة المكونات جيدا وابتعدوا عن المستحضرات التي..

اليافوخ لدى الأطفال بالفيديو

اليافوخ لدى الأطفال يغلق عندما تتصل عظام الجمجمة مع..

الصيام وصحة الاطفال

يتعلق صوم الاطفال، بسن الطفل وحالته الصحية والنفسية،..

facebook pixel